الكأس ليست فارغة تماما

أحب البدايات :

طلوع الشمس ..

قشعريرة الفجر..

بدايات اللمس ..

ورائحة الخبز الصباحي ..


العود الأخير في علبة ثقاب ..

اتركه يحرس النار من نفسها ..

وأترك في قاع الكأس قطرة ما ..

الكأس ليست فارغة تماما ..

هنالك شي كالماء

يعطي الأحساس بالامتلاء ..


الكأس ليست فارغة تماما ..

فيها ما فاض عن الذكرى..

و شيء من السماء ..


أفتح الدرج ..

أترك دائما منفذا لمرور الهوى

ولاحتمال صعود السرج هذا المساء

أحب البدايات

خايف

- خايف لا يتبدل الطقس...
خايف من القاعدة..
خايف من الواقفة..
خايف من دعوة للرقص..
خايف لا يطلع موش نورمال..
خايف من غدوة..
خايف من البحر الغدار..
خايف من الموجة العالية..
خايف من شمس القايلة ..
خايف من إرتفاع الأسعار ..
خايف من الموسيقى الهادئة وضربان الطار..
خايف من روحو لا ما يشدش روحو قدام نهد و نار ..
خايف من الظلمة..
خايف من الكلام ..
خايف من صوت الحمام ..
خايف منك..أي منك..
خايف من البوليس ..
خايف من ظلو في المنزه سِيسْ..
خايف لا يفقد احساسو بيك..
خايف تفهمو بالغالط..
خايف تصدق الناس إلي قالت..
خايف تتبدل ريحة الحطب المحروق ..
خايف يولي طعم الخبز مسروق ..
خايف تطلع ضحكتك موش ليه ..
خايف تضيع الثنية من ساقيه ..
خايف لا ماتصبش المطر ..
خايف يطلع يعبد في الحجر ..
خايف من نسمة الصباح ..
خايف لا تغيب من قدام عينيه ..
.. خايف..
..... خايف
............. خايف.. ..

جوجمة

اسحب حلمي من نومي.. أرتبه.. اقتلع منه الشوائب .. أعيده تحت الوسادة.. أنام.."أنام لاصحو على ابتسامتك بتقولي عيزك.." اضغط على زر شريط أم كلثوم عند هذا الحد.. أنام.. أنام فعلا .. أصحو من جديد على رنين الجرس.. الهاتف أم الباب؟.. أرفع سماعة الهاتف.. صوت يقول: إفتح الباب..

أفتح.. يمدني جاري بهاتفه.. طلبوك..

الوو! ألووو .. إنقطع خط مخاطبكم عن العمل .. الرجاء التثبت من رقم ... الوو.. أأالووو....

ألو عسلامة.. شكون طالب أنت ؟ ألووو.. يا دوجة حضر العشاء عندنا ضيوف... ألو.. وي ي ي... نسمع فيك تفضل.. ألو.. مركز إعانة المرأة المعاقة .. مرحبا بيك.. الوو.. أنت طلبت؟.. حط مائة.. حط مائة.. باش يقص .. بيب بيب..بيب ..

طاهر .. يا طاهر .. قوم... فمة شكون طالبك في تليفون..

الوو .. ألو ؟ خويا ماتعلقش، طالبينك .. عند الأشارة تكون الساعة الواحدة ظهرا و عشر دقائق وخمسين ثانية.. بيب.. عند الأشارة تكون الساعة الواحدة و... خويا شكون طالب إنت؟.. إضغط على الزر رقم واحد لسماع حظك البارحة.. الزر رقم إثنين لسماع عغني... ألو.. ألو.. ؟ بلاهي دوجة عيشك.. الوو.. الوو .. ألوووووو ..

حمراء كشفاه العذراء

بين قطفها وموتها

كانت نهايتها بطيئة ..

لم أعرف نفسي تقول ثمرة المساء ..

نضجت في يدي..

يقول تاجر الفراولة ..

حمراء كشفاه العذراء ..

مكتنزة كغيمة في السماء ..

رخيصة كعرق العبيد ..

اعطيكم ما يروي عيونكم ..

أما لسانكم فبللوا به أوراقكم النقدية

وانسوا طعم فراولة الطفولة ..

وموز الطفولة ..

لا وقت لي لانتظر نضج الكهولة..

بين قطفها وموتها

كانت نهايتها بطيئة .. على درب السيولة ..